ცოდნა ძალაა: პროექტის ,,ჩემი სოფელი" პრეზენტაცია

2012 წლის 28 ოქტომბერს ფარის საჯარო სკოლის სამოქალაქო კლუბმა ,,ცოდნა ძალაამ" მოახდინა პროექტ ,,ჩემი სოფლის" პრეზენტაცია.
პროექტის მიზანი იყო :

მოსწავლეები გაცნობოდნენ თავიანთი სოფლის ისტორიულ-კულტურულ მემკვიდრეობას.
მოეძიებინათ ინფორმაცია თავიანთი სოფლის ისტორიულ წარსულზე.
შეეგროვებინათ ფოლკლორული ნიმუშები, რომელიც ფარის თემის საკუთრებას წარმოადგენს.
ჩამოერთვათ ინტერვიუ უხუცესებისაგან, მათგან მოესმინათ მითები, ლეგენდები და ინფორმაცია გამქარალი გვარების შესახებ.
გაცნობოდნენ ყველა იმ რელიგიურ დღესასწაულს, რომელიც ფარის თემში აღინიშნებოდა.
მოეხდინათ შეგროვილი ინფორმაციის ორგანიზება და პრეზენტაცია.

განათავსონ მოძიებული მასალა ინტერნეტ სივრცეში.

პროექტის მოკლე აღწერა :

მოსწავლეები ესტუმრნენ, ფარის თემის უხუცესებს შოთა დადეშქელიანსა და ნუგზარ წულუკიანს. მათგან მოიპოვეს ბევი საინტერესო ინფორმაცია ,,მაჟიბჩუს" თემის ისტორიის შესახებ.

შოთა დადეშქელიანი

მოსწავლეები ასევე ესტუმრნენ იაროსლავ ჩხეტიანს, მისგან შეიტყვეს საინტერესო ინფორმაცია სვიფის წმინდა გიორგის ეკლესიის შესახებ, რომელიც მე10-ე საუკუნის ძეგლია და მასში დასვენებულია წმ.გიორგის ოქროს სასწაულმოქმედი ხატი. ეს ძეგლი იუნესკოს ძეგლთა დაცვის ნუსხაშია შეტანილი.
მოსწავლეები დაიყვნენ რამოდენიმე ჯგუფად. ერთი ჯგუფი მუშაობდა, ყველა იმ რელიგიურ დღესასწაულის აღნუსხვაზე, რაც ჩვენს თემში აღინიშნებოდა.
მეორე ჯგუფი მუშაობდა სამოშენებლო მასალის მოპოვებაზე და დამუშავების მეთოდებზე.
ჯგუფის ერთი ნაწილი მუშაობდა მაჟიბჩუს სამართლის კანონების მოძიებასა და ორგანიზებაზე.
საინტერესო ნაწილია ასევე სამზარეულო. მოსწავლეებმა შეაგროვეს ყველა იმ კერძის რეცეპტი, რომელსაც ფარის თემში იყენებდნენ.
ამდენად მოსწავლეებმა შეძლეს მოეპოვებინათ ბევრი, საინტერესო და მათთვის უცნობი ინფორმაციის შეგროვება თავიანთი ფესვების შესახებ, მათი წინაპრების მიერ შექმნილი კულტურის შესახებ.
ბატონი ნუგზარ წულკიანისაგან მიიღეს შეთავაზება, რომე მოახდინონ ამ მასალის ორგანიზება და წიგნად გამოცემა, რაშიც ის თავად დაუჭერს მხარს.

ნუგზარ წულუკიანი

ჩვენს სამოქალაქო კლუბს ამ პროექტთან დაკავშირებით აქვს სამომავლო გეგმები. კერძოდ მოიძიოს სახსრები, რითაც შეძლებს წიგნის დაბეჭდვას, მიაწოდოს ინფორმაცია ტურისტულ სააგენტოებს და ამავე დროს ამ თემებით ჩაერთო კონკურში ,,არამატერიალური კულტურული მემკვიდრებოა," რომელიც გამოცხადდა კულტურისა და ძეგლთა დაცვის სამინისტროს მხარდაჭერით.
ჩვენი სამოქალაქო კლუბის მიზანი იქნება ჩვენს მიერ შეგროვილი მარგალიტებით გავამდიდროთ სვანური კულტურული მემკვიდრეობა და ის ხელმისაწვმოდმი გავხადოთ დაინტერესებული პირებისთვის.